Корхонаи воҳиди давлатии ҷумҳуриявии “Тоҷикагролизинг” тракторҳои тасмачархи тамғаи ЮТО-1302-ро ба ҷумҳурӣ ворид намуд. Тракторҳои тасмачарх барои шудгори заминҳо хеле зарур буда, қобилияти дар чуқурии то 40-45 см шудгор карданро доранд. Ин навъи тракторҳо дар байни хоҷагидорону кишоварзон маъруф буда, соли дуюм аст, ки Корхона барои қонеъ намудани талаботи хоҷагидорон ин тракторҳоро ворид менамояд. Ҳоло хоҷагидорону кишоварзон ва шахсони инфиродӣ имконият доранд, ки аз тракторҳои тасмачарх истифода намуда, ҷиҳати дастрас намудани онҳо ба Корхона муроҷиат намоянд.