Дар доираи рушди муносибатҳои дуҷонибаи Федератсияи Россия ва Ҷумҳурии Тоҷикистон, 19 феврали соли 2021 роҳбарияти КВДҶ “Тоҷикагролизинг” бо намояндаи тиҷоратии Федератсияи Россия дар Ҷумҳурии Тоҷикистон ҷаноби Евгений Анатольевич Коренков мулоқот баргузор намуд. Дар ин вохӯрӣ директори КВДҶ «Тоҷикагролизинг» Акрамзода Юсуф Акрам дар бораи фаъолияти Корхона маълумоти муфассал пешниҳод намуд, аз ҷумла, зикр намуд, ки аз соли 2008 то имрӯз гардиши савдо бо истеҳсолкунандагони техникаи кишоварзӣ дар Федератсияи Россия беш аз 34 миллион сомониро ташкил медиҳад, таи ин муддат аз Федератсияи Россия  комбайнҳои ғалладарав, тракторҳои универсалӣ, тухмипошакҳои ғалладонагиҳо, алафдаравҳо ва ғайра харидорӣ ва ба ҷумҳурӣ ворид карда шудааст. Техника ва  таҷҳизот дар ҳамкорӣ бо таъминкунандагони зерин, ба монанди “Composite Group”, “Агромашхолдинг”, “Ростсельмаш”, заводи культиваторбарории Грязинск ва дигар корхонаҳои саноатии Федератсияи Россия оварда шудааст. Директор қайд кард, ки дар оянда КВДҶ «Тоҷикагролизинг» ният дорад, ки ҳамкориро дар самти хариди техника ва таҷҳизоти зарурии пешрафтаи кишоварзӣ аз Федератсияи Россия мувофиқи талаботи соҳаи кишоварзии Тоҷикистон идома диҳад. Илова бар ин, Акрамзода Юсуф Акрам қайд кард, ки тарафҳо таҳқиқоти муштараки маркетингӣ оид ба рушди механизатсияи кишоварзӣ дар Тоҷикистонро ба даст оварда, бо истифода аз барномаҳои дахлдори байнидавлатии рушди дуҷониба ва Намояндагии тиҷоратӣ аз Федератсияи Русия таҷҳизоти муосирро аз корхонаҳои истеҳсолӣ ба даст меоранд. Намояндаи тиҷоратии Федератсияи Россия итминон дод, ки ҷаласаи заводҳои истеҳсолкунандагони техникаи кишоварзии Россияро бо мақсади таъмин намудани кишоварзони Ҷумҳурии Тоҷикистон бо техникаи кишоварзӣ бо нархи дастрас ташкил менамояд.

Намояндаи тиҷоратии Федератсияи Россия ҷаноби Евгений Коренков гуфт, ки муносибатҳои дӯстонаи Федератсияи Россия ва Тоҷикистон садҳо сол боз идома доштанд ва мо воқеан шарикони стратегӣ ҳастем. Мо пешниҳодҳои шуморо меомӯзем ва дар заминаи судманд ҳамкорӣ хоҳем кард.